Поради лошата финансиска состојба во клубовите, најквалитетната италијанска фудбалска лига Серија А, би можела да се намали од досегашните 20 на 18 екипи.
Претседателот на Италијанската фудбалска федерација, Карло Тавекио се надева дека неговиот предлог за намалување на бројот на клубови во Серија А би можел да биде прифатен уште во текот на оваа година.
– Изворите на финансирање се се помали, па намалувањето на клубовите би можело да го врати италијанскиот фудбал на повисоко ниво, изјавил Тавекио.
Последен пат Серија А броеше 18 клубови во 2004 година, кога беше воведен системот на натпревари со 20 екипи.
Воедно Тавекио најавува намалување и на втората по квалитет лига, односно Серија Б и тоа од 22 на 20 екипи.