Италијанската полиција соопшти дека уапси седум лица осомничени за местење натпревари во Серија Б.
– Уапсените се обвинети за измама во спортски натпревари со цел местење резултати во Серија Б во што е вмешан и клубот Катанија, соопшти полиција од Катанија не наведувајќи конкретно за кои натпревари се работи.
Катанија минатата сезона заврши на 15.место со само три бода повеќе над зоната на испаѓање. Претходно, во сезоната 2013/14 тимот од Сицилија испадна од најквалитетната италијанска фудбалска лига – Серија А.