Екипата на Наполи пропушти можност да остане со максимален учинок откако синоќа во 5.коло од Серија А одигра нерешено на домашен терен на „Сан Паоло“ со последнопласираниот Сасуоло – 1:1.
Ова за противникот беше прв бод во Серија А, додека Наполи е на делба на второто и на третото место со шампионот Јувентус со по 13 бодови, зад лидерот Рома која има максимални 15.
Горан Пандев играше за Наполи до 62.минута кога беше заменет од Каљехон. Вториот македонски репрезентативец во италијанското првенство Агим Ибраими (Каљари) остана на клупата за резерви на дуелот Ливорно – Каљари 1:1.
На другите натпревари од ова коло одиграни синоќа беа постигнати следниве резултати: Болоња – Милан 3:3, Киево – Јувентус 1:2, Лацио – Катанија 3:1, Парма – Аталанта 4:3, Сампдорија – Рома 0:2, Торино – Верона 2:2 и Удинезе – Џенова 1:0 (играно во вторникот) 1:0.
Колото ќе биде комплетирано вечерва со натпреварот Интер – Фиорентина. Табела: Рома 15 бодови, Наполи 13, Јувентус 13, Интер 10, Фиорентина 10, Лацио 9,.