На седумте први натпревари од бараж дуелите за пласман на Светското ракометно првенство во Катар 2015 година, одиграни во текот на вчерашниот ден, најголема предност остварија репрезентациите на Русија и Србија кои ги совладаа своите противници со осум голови разлика.
Значајна победа на гостински терен забележа и Македонија која во Атина ја порази Грција.
Изненадување направи Босна и Херцеговина со победата против фаворитот Исланд, иако на полувремето Исланѓаните водеа со три голови разлика.
Постигнати резултати: Грција – Македонија 25:27, Русија – Литванија 30:22, Полска – Германија 25:24, Романија – Шведска 24:25, Австрија – Норвешка 28:26, Босна и Херцеговина – Исланд 33:32 и Србија – Чешка 23:15.
Денеска играат Унгарија – Словенија и Црна Гора – Белорусија.