Екипата на Рома одигра убедливо на вечерашното отворање на 7. коло од Италијанското фудбалско првенство.
По само четири минути Матиа Дестро ја доведе Рома во водство, а по нешто повеќе од половина час веќе беше решен победникот. Адем Љаиќ и Франческо Тоти ги постигна вториот и третиот гол за конечни 3:0 и победа против Киево.
Со оваа победа Рома се изедначи по бројот на бодови со лидерот и шампион Јувентус.
Токму Јувентус во вториот вечерашен дуел, од 20 часот и 45 минути гостува кај Сасуоло во обид да ја врати предноста од три бода што ја имаше во однос на „Римската волчица“ пред ова коло.
Двојките за утре се: Фиорентина – Лацио, Аталанта – Парма, Каљари – Сампдорија, Верона – Милан, Палермо – Чезена, Торино – Удинезе и Интер – Наполи.
Последниот меч од овој круг се игра в понеделник а во него учествуваат Џенова и Емполи.
Табела: Јувентус 18 бодови, Рома 18, Сампдорија 14, Удинезе 13, Милан 11, Верона 11,…