Со шестиот нерешен резултат во последните седум натпревари второпласираната Рома е се подалеку од лидерот и шампион Јувентус. „Римската волчица“ сега е загрозена на второто место од Наполи, кој со евентуална победа утре ќе и дојде на само три бода.
Резултати на досега одиграните натпревари од 24.коло во Италијанскиот фудбалски шампионатот: Јувентус – Аталанта 2:1, Милан – Чезена 2:0, Емполи – Киево 3:0, Лацио – Палермо 2:1 и Верона – Рома 1:1.
Од 20 часот и 45 минути играат Фиорентина – Торино.
Утре се средбите Наполи – Сасуоло и Каљари – Интер, а во вторник е градското дерби Сампдорија – Џенова.
Дуелот Парма – Удинезе е одложен.
Табела: Јувентус 57 бодови, Рома 47, Наполи 42, Фиорентина 38, Лацио 37.