Раководството на Ривер Плејт упати апел до навивачите да ги задржат билети за реваншот од финалето на Купот Либертадорес против Бока Јуниорс. Клубот е убеден дека средбата ќе се одржи во присуство на гледачи.
– Бараме од навивачите да ги задржат влезниците што ќе важат за влез на стадионот „Монументал“ на денот кога КОНМЕБОЛ ќе назначи да бидеме домаќин на натпреварот, стои во апелот на Ривер.
Во Ривер Плејт не се сомневаат дека средбата ќе се игра на нивниот стадион во присуство на гледачи.
Да потсетиме дека натпреварот беше два пати одложен поради немирите надвор од стадионот кога беше нападнат автобусот со гостинските фудбалери.
Првиот натпревар од финалето заврши со нерешен резултат 2:2.