Капитенот на фудбалската репрезентација на Венецуела, Томас Ринкон е првото засилување за Јувентус во зимскиот преоден рок, соопшти денеска шампионот на Италија.
Ринкон прво ќе игра како позајмен фудбалер со обврска Јувентус на крајот на сезоната да го откупи неговиот договор за сума од осум милиони евра.
Во трка за услугите на Ринкон, со Јувентус беше Рома, но сепак „Старата дама“ ја доби ова „пресметка“.
Изминатите две и пол години Ринкон го носеше дресот на Џенова, а претходно играше за Хамбург и клубови од родната земја.