Македонската машка ракометна репрезентација, денеска во арената Борис Трајковски ја совлада селекцијата на Австрија со 26:21, во првиот бараж натпревар за Светското првенство, кое следната година ќе се одржи во Шпанија.
Иако очигледно е дека ние сме поквалитетна селекција, факт е дека како и што се очекуваше претходно околу патникот на Мундијалот дефинитивно ќе одлучува реваншот за седум дена во Австрија, на кој ние повторно максимално концентрирано ќе мора играме во ист ритам.
Најефикасен во нашите редови беше Кирил Лазаров со шест гола, Темелков постигна пет, додека на голот Петар Ангелов имаше девет одбрани.