Со победата над Бордо од 3:0 шампионот на Лига 1 Пари Сен Жермен се искачи на втората позиција на табелата намалувајќи ја разликата со лидерот Олимпик Марсеј кој вечерва го има својот дуел од оваа рунда.
Пробив на табелата направи и Монако по гостинскиот триумф кај Бастиа.
Резултати на досега завршените натпревари од 11.коло во Француското фудбалско првенство: Тулуз – Ленс 0:2, ПСЖ – Бордо 3:0, Бастиа – Монако 1:3, Каен – Лориен 2:1, Евиан – Нант 0:2 и Ремс – Монпеље 1:0.
Денешната програма ја сочинуваат: Рен – Лил, Генгамп – Ница, Сент Етиен – Мец и Олимпик Лион – Олимпик Марсеј.
Табела: Олимпик Марсеј 25 бодови (10 натпревари), ПСЖ 21 (11), Нант 19 (11), Бордо 18 (11), Олимпик Лион 17 (10), Монако 17 (11), Сент Етиен 17 (10),…