Во период од три дена ПСЖ по вторпат успеа да го совлада Олимик Марсеј. По првенствената победа во неделата, синоќа парижаните славеа и во осминафиналето на фанцускиот куп со ист резултат од 2:0.
Стрелец на двата гола беше Златан Ибрахимовиќ.
На другите натпревари од оваа фаза во куп натпреварувањето во Франција беа постигнати следниве резултати: Лориен – Бретс 3:0, Роан – Бордо 2:2 – 3:5 на пенали, Венсие – Нанси 0:2 (по продолжение), Сошо – Троа 1:2, Евиан – Авр 3:1 и Сент Етиен – Лил 3:2.
Вечерва се игра последното осминафинале: Ленс – Епинал.
Пласман во четвртфиналето имаат обезбедено: ПСЖ, Лориен, Бордо, Нанси, Троа, Евиан и Сент Етиен.