Во ефикасен натпревар со седум погодоци, фудбалерите на Италија ноќеска ја совладаа Јапонија со 4:3, откако на полувреме губеа со 1:2. Со оваа победа Италија го обезбеди полуфиналето на Купот на конфедерации кој се одржува во Бразил.
Головите за Италија ги постигнаа Де Роси (41.минута), Учида (автогол 50), Балотели (пенал 52) и Џовинко (86). За Јапонија погодија: Хонда (пенал 21 минута), Кагава (33) и Оказаки (69).
Претходно од групата А место во полуфиналето обезбеди домаќинот Бразил кој го победи Мексико со 2:0 по двете мајстории на Нејмар кој постигна гол и му асистираше на Жо.
Резултати 2.коло А група: Бразил – Мексико 2:0 и Италија – Јапонија 4:3.
Табела: Бразил 6 бодови, Италија 6, Мексико 0, Јапонија 0.
Вечерва се игра 2.коло во Б групата, од 21 часот играат Шпанија – Тахити, а на полноќ е дуелот Нигерија – Уругвај.
Табела група Б: Нигерија 3 бода, Шпанија 3, Уругвај 0, Тахити 0.