Возачот на Мерцедес Луис Хамилтон ќе тргне од пол-позицијата на трката од Шампионатот во Формула 1 што ќе се вози вечер за Големата награда на САД.
Британецот ја освои 11. пол-позиција оваа сезона и вкупно 72. во кариерата по најбрзо извозен круг (1:34.822 минути) ноќеска во квалификациите.
Од првиот ред, веднаш до Хамилтон ќе стартува Себастијан Фетел од Ферари.
Третото стартно место е за Валтери Ботас од Мерцедес, а четвртото за Даниел Рикардо. Првите 10 во квалификациите ги пополнија: Кими Раиконен, Макс Ферстапен, Естебан Окон, Карлос Саинц, Фернандо Алонсо и Серхио Перез.
Почетокот на трката е во 21 часот по македонско време.
Евентуална победа на Хамилтон, а пласман на Фетел под петтото место ќе значи нова титула за Британецот.