По четири месеци пауза најдобрите екипи во македонската кошарка викендов ја започнуваат трката по 24-тата шампионска круна во Првата лига.
Бранителот на тронот МЗТ Скопје Аеродром со реновиран тим и сезонава е првиот фаворит за освојување на титулите на домашната сцена.
Своја шанса за тронот гледаат Куманово и Карпош Соколи, додека најтрофејниот клуб Работнички сезоната ја почнува без странци во составот.
Дебитант во Првата лига е Бест од Гевгелија.
Двојки за првото коло:
Кожув – Работнички (денеска),
Карпош Соколи – Бест (денеска),
Фени Индустри – Куманово (13 октомври),
МЗТ Скопје Аеродром – Струмица (11 октомври).