Сто и дваесет планинари од Делчево, Пехчево, Струмица, Кавадарци, Неготино и Куманово учествуваа на планинарскиот марш „Цветници 2013“ што се одржа денеска во околината на Делчево.
Патеката во должина од дваесесетина километри поминуваше низ селата Очипала и Киселица, каде беа посетени две пештери и манастирите во изградба „Св.Јован“ и „Св. Ѓорѓи“.
Во манастирскиот комплекс „Св.Петка“ во селото Селник се одржа заеднички планинарски ручек, каде на гостинските планинарски друштва домаќинот и организатор на маршот, планинарскиот клуб „ПОП“ од Делчево, им додели благодарници.
– Ова беше осмо по ред издание на традиционалниот планинарски марш „Цветници“. Учесниците на маршот со посебно внимание ја посетија и разгледаа единствената црква со каменен кров „Св.Петка“ во Селник која е градена некаде кон крајот на 14 и почетокот на 15 век, изјави Зоран Поповски, претседател на ПК „ПОП“ од Делчево.