Италијанскиот фудбалер Андреа Пирло денеска соопшти дека ја завршува репрезентативната кариера, но сепак остави малку простор за евентуална промена на одлуката во случај да добие повик од новиот селектор.
– Одлучив за сега да ја напуштам репрезентацијата, но можеби ќе се вратам ако ме повика новиот селектор, изјави Пирло за „Кориере дело Спорт“.
35-годишниот Пирло ги бранеше боите на Италија од 2002 година наваму на 112 натпревари и има постигнато 13 голови.
Италија на Мундијалот во Бразил беше елиминирана уште по групната фаза. Прво ја победи Англија со 2:1, а потоа загуби од Костарика со 1:0 и од Уругвај исто така со 1:0. По ова следуваше оставка на селекторот Чезаре Прандели.