Во градското дерби на Торино шампионот Јувентус со голот на Андреа Пирло во судиското надополнување на вториот дел (90+3 минута) го победи Торино со 2:1.
Прв во дуелот од 13.коло поведе Јувентус преку Артуро Видал од пенал во 15.минута, а Бруно Перес во 22.минута по соло акцијата изедначи на 1:1. Јувентус последните петнаесет минути ги одигра со десет играчи откако поради втор жолт картон (црвен) беше исклучен Стефан Лихштајнер.
На другите натпревари од ова коло беа постигнати следниве резултати: Милан – Удинезе 2:0, Каљари – Фиорентина 0:4, Чезена – Џенова 0:3, Емполи – Аталанта 0:0, Палермо – Парма 2:1, Киево – Лацио 0:0, Сасуоло – Верона 2:1.
Вечерва од 20:45 часот играат Рома и Интер, а последниот дуел од колото се игра утре меѓу Сампдорија и Наполи.
Табела: Јувентус 34 бодови, Рома 28, Џенова 23, Наполи 22, Сампдорија 21, Милан 21, Лацио 20,…