Раководството на Милан најави продолжување на соработката со тренерот Стефано Пиоли, откако тимот синоќа го совлада Сасуоло во 35. коло од италијанскиот шампионат со 2:1 и се искачи на 5. место на табелата во Серија А.
– Се надевав дека ќе се случи. Верував. Задоволен сум од тимот, навивачите, клубот. Нашата работа штотуку започнува. Милан е еден од најпрестижните клубови во светот. Тимот и јас имаме глад да покажеме што можеме да направиме. Луѓето веќе зборуваат за иднината, но има уште три натпревари оваа сезона! Поставуваме многу цврсти темели, има млади играчи кои веќе ги покажаа своите квалитети и можат само да станат посилни, изјави Пиоли.
Секогаш се чувствував добро во Милан, никогаш немав проблеми и не забележав негативен став кон мене. Никогаш не тренирав голем клуб од почетокот на сезоната. Никогаш не сум освоил трофеи, но мислам дека и спасувањето на клуб од испаѓање е исто така успех. Точно беше дека имаше некои сомнежи околу мене, но ние сме тренери, сите сме осудени според нашите резултати. Најмногу од сè, јас уживав да работам со тимот, бидејќи играчите веруваат во тоа што го правиме, додаде предводникот на Милан.