Јозеф Пешице ќе ја предводи чешката фудбалска репрезентација на двата поселдни натпревара во квалификациите за Светското првенство 2014.
Пешице на кормилото на Чешка доаѓа како досегашен член на стручниот штаб. Тој бил и селектор на младата чешка селекција.
Според договорот со федерацијата, во случај на успешен настап и добри резултати на репрезентацијата под негово водство на двете средби во октомври, тогаш е можно на Пешице да му биде понуден двогодишен договор.
Чешката репрезентација остана без селектор во средата кога оставка си поднесе Михал Билек по поразот од Италија со 2:1 и губењето на шансите за пласман на Мундијалот во Бразил.