Претседателот на Серија А Маурицио Берета изјави дека натпреварот од Суперкупот меѓу шампионот Јувентус и куп победникот Лацио, за разлика од претходните неколку години, ќе се одигра во Италија.
– Не знам на кој стадион ќе се игра Суперкупот, но сигурно знам дека тоа ќе биде на 18 август на италијанско тло, истакна Берета.
Реакција по објавување на оваа одлука стигна од првиот човек на „лацијалите“ Клаудио Лотито кој смета дека неговиот тим ќе претрпи финансиска штета поради ваквото решение.
Дуелот меѓу италијанскиот шампион и победникот во „Копа Италија“ последниве четири години се играше во Пекинг, главниот град на Кина.