Тренерот на Вардар, Роберто Гарсија Парондо по вчерашната победа против ПИК Сегед (31-23) во првиот четвртфинален дуел од Лигата на шампионите изјави дека е горд на играчите и на постигнатото од нив и покрај проблемите со кои се соочувал тимот во последно време.
– Многупати веќе реков дека сум горд на играчите. Тие се херои. Имавме многу проблеми, имавме многу несакани работи, но ги надминавме и одигравме на врвно ниво. За нас ова беше последна средба во Скопје во овој состав и со овие играчи и затоа оваа победа е уште поголема На крај се надевам дека и ќе дојдеме до планираната цел – пласман на Ф4 турнирот во Келн, изјави Парондо.
Вториот четвртфинален меч меѓу ПИК Сегед и Вардар се игра во Унгарија на 5 мај.