Екипата на Парма која сезонава во фудбалскиот шампионат на Италија се бори за опстанок, го совлада Интер со 2:0 во натпревар од 10. коло на Серија А.
Паоло Ле Кеље ги постигна двата гола за домашниот тим во петтата и 76-минута од средбата, донесувајќи и ја на Парма само втората победа сезонава (има и осум порази).
Јувентус го искористи „киксот“ на Рома, па со победата над Емполи на гости со 2:0, тимот од Торино засега е осамен на првото место на табелата. Потсетување дека Рома загуби на гостувањето кај Наполи со 2:0.
Денеска во Серија А, на програмата се пет натпревари, и тоа: Киево – Сасуоло, Сампдорија – Фиорентина, Торино – Аталанта, Удинезе – Џенова и Милан – Палермо.
Колото ќе биде заокружено во понеделник со средбите, Чезена – Верона и Лацио – Каљари.
Табела: Јувентус 25 бодови, Рома 22, Наполи 18, Лацио 16 (-1 натпревар помалку), Милан 16 (-1), Сампдорија 16 (-1), Удинезе 16 (-1)…