Фудбалерите на Парма освоија еден бод на синоќешното гостување кај Фиорентина со голот на Масимо Гоби во судиското надополнување.
На дуелот со кој беше комплетирано 6.коло во Серија А, Парма прва дојде во водство преку Валтер Гаргањо во 45.минута. Домаќините изедначија во 64.минута со голот на Гонзало Родригез, а 15 минути потоа дури и поведоа преку Хуан Варгас. Сепак, по грешката на домашниот голман, гостите стигнаа до 2:2 во 90+2.минута.
Со освоениот бод Парма сега има вкупно 6 и е на 14 позиција, исто толку бодови има и Аталанта која е едно место погоре на табелата.
Фиорентина е петта со 11 бодови, седум помалку од водечката Рома. Пред „виолетовите“ се и Наполи 16 бодови, Јувентус 16 и Интер 14.