Тимот на Кристал Палас нема да ја продаде својата ѕвезда Вилфред Заха на Евертон.
Заха во последните денови е поврзуван со трансфер во тимот на „карамелите“. Сепак, раководството на Палас изјави за „Скај Спортс“ дека трансфер бизнисот на тимот е завршен и напаѓачот нема да замине.
Менаџерот Рој Хоџсон даде свое мислење на оваа тема и ја разјасни ситуацијата со играчот.
„Тој останува со нас и сите сме задоволни од овој факт. Сите сме задоволни што оваа сезона тој ќе биде дел од тимот и ќе ни помогне. Факт е дека тој сакаше да си замине, но работите не излегоа како што посакуваше. Тој има договор со нас и ние сме убедени дека тој ќе ги исполни своите професионални обврски. Со нетрпение очекуваме да се врати и да биде во добра форма, за да ни помогне. Тој е во добри односи со сите, така што нема проблем со тоа. Неговиот проблем е со сопственикот на клубот. На него останува да одлучи дали понудите се доволно задоволителни за да му овозможи на Заха да си замине , изјави Хоџсон.