Екипата на Олимпик Марсеј последна успеа да се пласира во четвртфиналето на Францускиот куп, откако синоќа во последното осминафинале како гостин го победи членот на 4-та француска лига Трелисак со 2:0.
Стрелци на головите беа: Роман Алесандрини во 33.минута и Стивен Флечер во 87.минута.
Во четвртфиналето Олимпик Марсеј е домаќин на Гранвил, членот на 5-та француска лига. Покрај овој дуел во четвртфиналето ќе играат уште: Сошо – Нант, Сент Етиен – ПСЖ и Лориен – Ајачо.
Натпреварите од четвртфиналето ќе се играат на 1 и на 2.март.