Годинашни добитници на Наградата 13 ноември од областа на спортот во образованието се професорите по физичко образование Игор Зафировски и Енвер Мифтари. Наградата за спортист ја доби автомобилистот Игор Стефановски-Иџе, за особени постигнувања алпинистот Здравко Дејановиќ, за тренер Иван Лесовски, а за спортски работник Панче Јакимовски.
Комисијата за награди и признанија одлучи наградата за спортски новинар да ја добие Перо Момировски, за животно дело Лазар Лечиќ, а за шах фиде мајсторот Димитар Илиевски. Наградени се и спотските спонзори Дејан Панделески и Сергеј Самсоненко, како и екипата на РК Вардар-жени
Наградите се доделени согласно критериумите за доделување на наградата13 Ноември на Сојузот на спортови на Скопје, а ќе бидат врачени утре на свечена седница.