Љубителите на тенисот имаа можност да уживаат во еден од најинтересните мечеви на Отвореното првенство на Австралија.
Во дуелот од 4.коло на Австралија опен, домашниот тенисер Ник Киргиос и Андра Сепи од Италија одиграа меч за паметење, а победникот беше решен дури по 3,5 часа игра.
Откако првите два сета ги доби Италијанецот со 7:5 и 6:4, на задоволство на публиката во Мелбурн, домашниот тенисер Киргијас експресно го доби третиот сет со 6:3. Во четвртиот спасуваше две меч топки на противникот и до израмнување на 2:2 во сетови стигна во тај-брејкот добивајќи го сетот со 7:6.
Драмата на „Мелбурн парк’’, кулминира во решавачкиот пети сет кој траеше 58-минути, а по голема борба Киргиос го доби со 8:6, за конечни 3:2 во сетови.
Со оваа победа Киргиос се пласира во четвртфиналето, што е прв пласман на еден австралиски тенисер меѓу осумте најдобри на Гренд слем турнир по пауза од 10-години, откако 1995 година легендарниот Лејтон Хјуит играше во четвртфиналето на Вимблдон.
Противник на Киргиос во четвртфиналето ќе биде подобриот од дуелот кој е во тек; а во кој Енди Мареј води со 1:0 во сетови против бугарскиот тенисер Григор Димитров.