На двата ноќеска одиграни натпревари во НБА лигата победија домашните екипи. Во дуелот на двете екипи од врвот на Западната конференција триумфираше Оклахома Сити против Мемфис со 106:89, а најдобриот стрелец Кевин Дурант натпреварот го заврши со 27 поени.
На вториот натпревар, Голден Стејт го совлада Далас со 100:97. Кај победничката екипа на Дејвид Ли му недостасуваше една асистенција за „трипл – дабл“ учинок, тој натпреварот го заврши со 15 поени, 20 скокови и 9 асистенции.
Вечерва на програмата се 12 натпревари: Торонто – Лос Анџелес Клиперс, Индијана – Мајами, Бостон – Орландо, Бруклин – Чикаго, Њујорк – Милвоки, Филадлфија – Сакраменто, Детроит – Кливленд, Мемфис – Вашингтон, Денвер – Њу Орлеанс, Јута – Портланд, Феникс – Далас и Минесота – Лос Анџелес Лејкрес.
Пласман Источна конференција: Мајами 29-13 (победи-порази), Њујорк 28-15, Чикаго 28-17, Бруклин 27-19, Индијана 27-19,…
Пласман Западна конференција: Сан Антонио 37-11, Оклахома Сити 35-11, Л.А.Клиперс 34-13, Мемфис 29-16, Голден Стејт 29-17,…