Наполи со 2:0 ја победи Рома во премиерниот дуел од 10.коло на италијанскиот фудбалски шампионат.
Уште во 3-та минута од натпреварот одигран попладнево во Неапол, домашниот тим дојде во водство со голот на Аргентинецот Гонзало Игуаин. На вториот гол се чекаше се до 85-минута кога во листата на стрелци се запиша Шпанецет Каљехон, поставувајќи ги конечните 2:0 за Наполи.
Вечерва се играат уште две средби. Емполи е домаќин на шампионот Јувентус, а Парма го пречекува Интер.
Утре (недела) на програмата се натпреварите: Киево – Сасуоло, Сампдорија – Фиорентина, Торино – Аталанта, Удинезе – Џенова и Милан – Палермо.
Колото ќе биде заокружено во понеделник со средбите, Чезена – Верона и Лацио – Каљари.
Табела: Јувентус 22 бодови, Рома 22 (еден натпревар повеќе), Лацио 16, Милан 16, Сампдорија 16, Удинезе 16 …