Најдобриот тенисер во светот Рафаел Надал го совлада Бугаринот Григор Димитров и се пласираше во финалето на Мастерсот во Монте Карло.
Надал до триумфот дојде по само еден час и 36 минути игра со резултат од 2:0 во сетови, односно 6:4 и 6:1.
Тој во финалето ќе се соочи со подобриот од натпреварот меѓу Кеи Нишикори и Александар Зверев.
Шпанскиот тенисер ќе се бори за рекордната 11-та титула во Монте Карло.