Екипата на Парма остана без уште четири бода, откако Фудбалската асоцијација на Италија одлучи дополнително да ја го казни последно пласираниот тим во Серија А.
Парма по оваа казна е во незавидна ситуација и речиси залудни и беа последната победа против шампионот Јувентус, како и ремито на гостувањето против Интер.
Причина за санкцијата е непочитувањето на административните закони.
Покрај бодовната казна, суспензија од по шест месеци добија поранешиот претседател Џанпјеро Маненти и главниот директор Пјетро Леонарди, посочени како главни виновници за финансиската криза во клубот и доведувањето под знак прашалник на доигрувањето на сезоната.
На Парма претходно и беа одземени три бода и сега место 19 има само 12 бода или 17 помалку од местото кое обезбедува опстанок во лигата.