Тренерот на Реал Мадрид, португалски стратег Жозе Мурињо по победата над Рајо Ваљекано од 2:0 на гостински терен изјави дека не е воодушевен од играта на своите избраници, кои сепак ги пофали за големите залагања и за победата.
„Ова не беше спектакуларен меч со високи квалитети, но одигравме добро. Видов кај мојот тим сличен труд како од минатата сезона. Мислам дека фудбалерите добро одговорија на задачите. Дали можевме да играме подобро? Секако дека да, но јас мојот тим секогаш го оценувам според пожртвуваноста на теренот, а таа на овој меч беше задоволителна. Вака да се имавме поставено на мечевите против Гетафе и Севилја можевме да ги добиеме“, изјави Мурињо откако неговите избраници ги освоија првите три бода нагости сезонава.