Менаџерот на Челзи Жозе Мурињо е подготвен да се ослободи од „резервистите“ Мохамед Салах и Андре Ширле како би добил пари од евентуален нивни трансфер и тие средства да ги употреби за доведување на Рафаел Варан од Реал Мадрид.
Како што пренесува „Дејли Стар“ португалскиот стручњак рекол дека неопходно му е засилување во одбраната, бидејќи Челзи во продолжение од сезоната настапува на четири фронта.
Варан во Мадрид пристигна 2011 година од Ленс на инсистирање на Мурињо кој тогаш беше тренер на Реал.
Салах и Ширле сезонава немаат голема минутажа во Челзи, а минатото коло на дуелот со Њукасл не беа ниту меѓу пријавените играчи.