Фудбалската асоцијација на Англија започна нова постапка против тренерот на Челзи Жозе Мурињо.
Португалецот е обвинет за недолично однесување заради неговите коментари за судењето по натпреварот со Саутемптон минатата сабота, кога неговиот тим загуби со 1:3 на „Стемфорд Бриџ“.
Мурињо по натпреварот рече дека судијата Роберт Медли не досудил чист пенал за Челзи при резултат 1:1 откако голманот Мартен Стекеленбург стартуваше над Радамел Фалкао.
-Резултатот беше 1:1, кога имаше голем, огромен пенал, а ние уште еднаш не добивме пенал. Тој пенал беше клучен момент на натпреварот при резултат 1:1. И ќе повторам, Ако Фудбалската асоцијација сака да ме казни, може да ме казни. Тие не казнуваат други менаџери, ме казнуваат само мене, но тоа не е никаков проблем, рече Мурињо.
Португалецот има рок до четврток да достави писмена изјава до ФА во врска со неговото однесување, но сигурно го очекува парична казна, а можеби и суспензија.