Жозе Мурињо менаџерот на Манчестер Јунајтед, ја отфрли можноста Златан Ибрахимовиќ да го напушти „Олд Трафорд“ по завршувањето на сезоната, бидејќи Португалецот планира да му понуди нова соработка на шведскиот голгетер.
Договорот на Ибрахимовиќ со Манчестер Јунајтед истекува на крајот од сезоната, односно во јули следната година, но Мурињо сака да ја активира клаузулата за нова соработка, со што ќе стави крај на шпекулациите за заминување на Швеѓанецот во американската МЛС лигата.
-Клаузулата е активирана за размислување на Ибрахимовиќ, но исто така и за размислување на управата на клубот. Околу таа тема нема проблем, изјави Мурињо за „Скај Спорт“.
Португалскиот стручњак верува дека Златан Ибрахимовиќ ќе покаже дека престојот во Манчестер ќе му биде биде многу успешен.
-Сигурен сум дека тој не дојде во Премиер лигата, а да не сака да се докаже. Мислам дека таква можност не постои. Јасно е дека тој е подготвен за максимален напор во англиската лига, и дека така ќе биде следните сезони, дополни Мурињо.
Ибрахимовиќ во Манчестер јунајтед дојде на почетокот на оваа сезона од Париз Сен Жермен, а досега постигна вкупно 17 гола во 26 настапи во сите натпреварувања.
Во текот на својата богата кариера Ибрахимовиќ играше за: Малме, Ајакс, Јувентус, Интер, Барселона и Милан.