Како што пренесуваат белоруските медиуми, повикувајќи се на информации од полицијата во Мајами, поранешниот хокеар и партнер на тенисерката Арина Сабаленка – Константин Колцов (42) се самоубил.
Од Мајами пристигна трагична вест дека почина избраникот на Арина Сабаленка, вториот тенисер во светот, Константин Колцов, освојувач на олимписки медал во хокеј. Најпрво беше објавено дека причина за смртта е згрутчување на крвта, но белоруските медиуми објавија дека Колцов се самоубил.
„Според истрагата, во понеделникот, на 18 март, околу 12:39 часот, пристанишната полиција и противпожарната служба отишле во болница за да го згрижат човекот кој скокнал од балконот. Не се пронајдени сомнителни околности“, изјави портпаролот на полицијата за белоруските медиуми.
Hockey club Salavat Yulaev confirms Konstantin Koltsov's death.https://t.co/JzCQ5IiuSk pic.twitter.com/RhO3arfYo5
— Belarushockey.com (@Belarushockey) March 19, 2024
Да потсетиме дека Колцов играше за репрезентацијата на Белорусија на Олимписките игри во 2002 и 2010 година и помина дел од три сезони со Питсбург пингвинс од 2002 до 2006 година.
„Со длабока тага ве известуваме дека почина тренерот Константин Колцов“, се вели во соопштението на Салават Јулаев, кој е со седиште во рускиот град Уфа.
“Тој беше силна и весела личност, беше сакан и почитуван од играчите, колегите и навивачите. Константин Евгениевич засекогаш влезе во историјата на нашиот клуб. Нека почива во мир”.