Екипата на Монако славеше минимална победа од 1:0 против Ница, во дуелот од 33.коло на фудбалското првенство на Франција.
Тимот од кнежевството до трите бодови стигна со голот на бугарскиот интернационалец Димитар Бербатов постигнат уште во петата минута.
Со освоените три бодови Монако се зацврсти на втората позиција на табелата, место кое носи директен пласман во Лигата на шампионите.
Денеска ќе бидат одиграни уште шест натпревари и тоа: Валенсиен – Нант, Бастија – Ајачо, Ремс – Сошо , Лориен – Монпеље, Бордо – Гингамп и Олимпик Марсеј – Лил.
Во воведниот натпревар од ова коло одигран во петокот Сент Етијен и Рен одиграа без голови 0:0.
Колото ќе биде комплетирано дури во среда со натпреварите, Париз Сен Жермен – Евијан и Тулуз – Олимпик Лион, поради настапот на ПСЖ и Лион во финалето од Лига купот.