Дисциплинската комисија на фудбалскиот сојуз на Италија го казни Милан со одигрување еден натпревар на домашен терен без присуство на публика поради однесувањето на „црвено-црните“ навивачи на неделното дерби со Јувентус во Торино.
Казната Милан ќе ја одработи на следниот дуел од Серија А закажан за 19 октомври против Удинезе.
Ове е веќе втора казна за Милан поради испади на навивачите кои сличен инцидент со навредување на своите ривали направија и против Наполи во Милано.
Освен екипата, од дуелот со Јувентус казнет излегува и Филип Мексес кој доби црвен картон поради удирање противнички играч. Дефанзивецот на „росо-нерите“ го удри Џорџио Киелини и доби суспензија од четири натпревари, како и парична санкција од 50 илјади евра.