Ракометарите на Металург славеа со 30:33 на гостувањето против Шамбери во првото коло од Лигата на шампионите.
Охрабрени по големите успеси од ланската сезона во ЛШ, „Металурзите“ тргнаа решитолно и храбро против францускиот вицешампион.
Одиграа максимално во фазата на напад но и во одбраната и најавија дека имаат огромни амбиции и во новата сезона од елитното европско ракометно натпреварување.
Дарко Станиќ одново беше на потребното ниво со 14 успешни интервенции, додека во фазата на напад најпрецизни беа Манасков и Наумче Мојсовски со по седум погодоци, Батиновиќ беше стрелец на шест, а Вугринец на четири гола за македонскиот шампион.