Репрезентациите на Мексико и на Венецуела ноќеска одиграа нерешено 1:1 во рамките од 3.коло од Ц групата од Копа Америка.
Двете селекции од претходно го имаа обезбедено пласманот во четвртфиналето на ова натпреварување, а нерешениот резултат само на Мексико му ја донесе првата позиција во групата поради подобрата гол разлика. Мексико во 1/4 финалето ќе игра со второпласираниот тим од групата Д, а Венецуела за ривал ќе го има првопласираниот тим од групата Д.
На вториот дуел од оваа група Уругвај ја победи Јамајка со 3:0.
Табела: Мексико 7 бодови (+4 гол разлика), Венецуела 7 (+2), Уругвај 3, Јамајка 0.
Вечерва се играат натпреварите од 3.коло од Д групата: Аргентина – Боливија и Чиле – Пананма.