Еден од најголемите боксери на сите времиња Флојд Мејведер ќе се врати во акција овој викенд кога ќе влезе во рингот против поранешниот противник Џон Готи Трети и повторно во игра е импресивна заработка.
Се уште не е откриено точно колкав ќе биде неговиот хонорар за овој настан, но Marca проценува дека ќе добие сума меѓу 20 и 25 милиони долари.
Тоа е многу „поскромна“ сума на пари во споредба со она што Мејведер го заработуваше во минатото.
Само од познатата борба против Ирецот Конор Мекгрегор заработи околу 300 милиони долари.
Во моментов не е познато колку се очекува да заработи Готи, а двајцата го имаа првиот егзибициски боксерски меч во јуни 2023 година.
Тепачката потоа заврши со масовна тепачка и хаос внатре во рингот, па со нетрпение се чека нивниот нов дуел.
Натпреварот меѓу Мејведер и внукот на озлогласениот њујоршки мафијаш ќе се одржи утре околу 05:00 часот по наше време во CDMX арената во Мексико Сити.