Во спортската сала „Методија Андонов – Ченто“ во населбата Маџари денеска почна Меѓународниот турнир во одбојка за девојчиња. Настанот се одржува првпат, по повод одбележувањето на 3-ти ноември, Денот на општина Гази Баба.
На турнирот чија цел е да се промовира спортот, но и да се другарува, учествуваат одбојкарски клубови од Македонија и Србија, односно ОК Јанта Волеј, ОК Работнички, ОК Форца Волеј, ОК Планет од Скопје, ОК Виола од Велес и ОК Панда од Република Србија, генерација 2000.
Организатори се одбојкарскиот клуб Јанта Волеј и Општина Гази Баба со поддршка од Општинскиот сојуз на училишен спорт .
На отворањето присуствуваше градоначалникот Тони Трајковски кој, обраќајки се, изрази уверување дека турниорт во иднина ќе биде помасовен и ќе стане традиционален.
– Општина Гази Баба ќе продолжи да дава поддршка на спортот и спортските активности, рече Трајковски.
По одиграните натпревари, на најдобрите екипи ќе им бидат доделени дипломи, медали и пехари за постигнатиот успех.