Екипата на Манчестер Јунајтед успеа да се пласира во четвртфиналето на ФА купот откако синоќа во последниот натпревар од 5.коло го победи Престон со 3:1.
Домаќинот Престон поведе со голот на Скот Лерд во 47.минута, а потоа следуваа трите голови на „црвените ѓаволи“.
Најпрвин мрежата ја погоди Андер Херера во 65.минута, водство во 72.минута донесе Марун Фелаини, а конечните 3:1 ги постави Вејн Руни од пенал во 88.минута.
Извлечени се веќе и четвртфиналните двојки, а Манчестер Јунајтед е домаќин на Арсенал. Астон Вила во дуелот на екипите од Бирмонгем е домаќин на ВБА, додека во дуелот на екипите кои не се од Премиер лигата ќе играат Бредфорд и Ридинг. Полседната двојка е Ливерпул – Блекбурн.
Натпреварите ќе се играат на 7 и 8 март.