Во недела вечер ќе се решава прашањето за шампионската титула во ракометната Супер лига, за првакот тоа ќе значи и директен пласман во групите од Лигата на шампионите.
Според последното рангирање, Македонија има скок на ранг листата и тоа пред се на резултатите на Металург во Лигата на шампионите, пласманот во осминафиналето лани и во четвртфиналето оваа сезона. Тоа значи дека шампионот на Македонија Металург (ако ја одбрани титулата) или Вардар Про (ако стане нов првак) ќе има и висок ранг.
Постои можност Македонија да има и втор претставник, што би се остварило преку квалификациите од ЛШ со евентуално добивање на „вајлд карта“.