Лука Модриќ ја откри тајната на својата фудбалска долговечност

Од:

Хрватскиот ас Лука Модриќ вчера го прослави својот 37. роденден. По тој повод со него разговараа новинари од клупската телевизија на Реал Мадрид. Нив ги интересираше тајната на спортската долговечност на Модриќ.

„Секогаш ме прашуваат која е мојата тајна, но не знам што да кажам. Живеам фудбал речиси 24 часа на ден, тоа е многу важно“, изјави Модриќ за Реал Мадрид ТВ.

„Го сакам она што го работам и уживам во мојата професија повеќе од кога било досега бидејќи знам дека сум во компликувана возраст за фудбалер. Никогаш не знаеш колку долго можеш да издржиш на ова ниво во овој клуб, каде што се највисоките можни барања. Се трудам да уживам во тренинзите и натпреварите. Сето ова ми помага да се чувствувам добро на оваа возраст“, вели Хрватот.

Модриќ се држи до својата рутина и секој ден пристигнува во клубот час и 15 минути порано.

„Појадувам во клубот. Правам се со физиотерапевтите во теретана за да дојдам на тренинг веќе загреан. Потоа го правам тренингот и после тоа, во зависност од тоа како се чувствувам, останувам овде да работам со физиотерапевтите. Правам се што е потребно“, објаснува одличниот играч за врска.

Средниот ред на Реал летово остана без Касемиро.

„Изгубивме важен играч, но имаме добри играчи кои можат да го заменат. Чуамени добро се адаптира, Камавинги е втора година во клубот и беше добар во првата сезона, Крос е тука долго време. Исто така и Валверде кој е одличен, Себалјос кој многу придонесува… Добро сме покриени“, истакна Лука Модриќ.

Извор: Топспорт

Би можело да ве интересира

Реал нема да ги пушти своите играчи да играат на ОИ

Детаљ за кој најмногу се зборува – дали Винисиус заслужи црвен картон?

Предраг Петровиќ

Навивач на Атлетико Мадрид му се заканувал на девојче бидејќи носело дрес од Реал Мадрид

Горан Наумовски

Винисиус заминува доколку Реал потпише со Мбапе

Предраг Петровиќ

Реал реши да го „казни“ Мбапе, му дава 100 милиони евра помалку од пред две години

Модриќ повеќе не е резерва, повторно е во првите 11 на Реал

Предраг Петровиќ