Екипата на Лос Анџелес Клиперс ја продолжи серијата победи откако без поголем проблем на гостувањето кај Феникс оствари триумф, што за нив е 13.ти во низа и го надминаа рекордот сезонава од 12 победи на Оклахома Сити.
„Дабл-дабл“ учинок имаа двајца играчи кај победничката екипа Блејк Грифин 23 поени и 11 скокови, а Крис Пол 17 поени и 13 асистенции.
По оваа успешна серија ЛА Клиперс се на чекор до првата позиција во Западната конференција.
Резултати постигнати на ноќешните натпревари: Бруклин – Филаделфија 95:92, Њујорк – Минесота 94:91, Орландо – Јута 93:97, Сан Антонио – Далас 129:91, Феникс – Л.А. Клиперс 77:103 и Сакраменто – Портланд 108:96.
Вечерва не се играат натпревари поради католичкиот Божик, додека следните натпревари се на програмата на 25 декември.
Пласман Источна конференција: Мајами 18-6 (победи-порази), Њујорк 20-7, Атланта 16-9, Чикаго 15-11, Индијана 16-12,…
Пласман Западна конференција: Оклахома Сити 21-5, Лос Анџелес Клиперс 21-6, Сан Антонио 21-8, Мемфис 18-7, Голден Стејт 18-10,…