Екипата на Ливерпул дербито на 8.коло од Премиер лигата, дуелот со големиот ривал Манчестер Јунајтед в сабота ќе го дочека без повредениот Садио Мане.
На официјалната интернет страница на клубот е објавено дека играчот ќе отсуствува околу шест недели поради повреда на мускулот.
Мане беше заменет на натпреварот на неговата репрезентација Сенегал против селекцијата на Кап Верде во 89.минута во рамките на квалификациите за Светското првенство.
Отсуството на Мане ќе биде голем проблем за екипата на Јирген Клоп. Фудбалерот на Ливрепул настапи на последниот дуел од Премиер лигата со Њукасл, откако претходно беше казнет со три натпревари поради црвен картон на дуелот со Манчестер Сити.
Тој на пет натпревари во Премиер лигата постигна три голови.