Премиерлигашот Ливерпул планира да организира проштален натпревар за долгогодишниот капитен Стивен Џерард.
Ревијалната средба ќе се одржи на „Енфилд“ на 29 март за време на паузата во националните првенства поради репрезентативни обврски.
Присуство на тој натпревар најавија повеќе поранешни и сегашни соиграчи на Џерард, а еден од нив е Џејми Карагер кој поради настанот ги одложи деловните обврски и отворање ресторан во Њујорк.
Џерард на крајот од сезоната ќе го напушти клубот во кој помина 17 години и одиграл 702 натпревара со 183 постигнати голови. Со Ливерпул ја освои Лигата на шампионите, Купот на Уефа, Лига купот, ФА купот, но нема шампионска титула од Премиер лигата.
За англискиот национален тим има одиграно 114 натпревари и постигнато 21 гол.