Екипите на Ливерпул и на Блекбурн ќе играат повторен натпревар во четвртфиналето од ФА купот, откако попладнево двата тима на „Енфилд“ одиграа нерешено без голови 0:0. За десетина дена ќе треба да се одигра и повторениот дуел, а домаќен ќе биде Блекбурн.
Првото полувреме беше во прекин околу 10-тина минути откако по еден дуел со противнички играч се повреди фудбалерот на Ливерпул, Марин Шкртел. Поради тежината на повредата (вратот) на лекарската екипа и беше потребно време Шкртел на носилки да го напушти теренот и потоа тој е пренесен во болница.
Утре се игра последниот четвртфинален дуел од ФА купот меѓу Манчестер Јунајтед и Арсенал.
Пласман во полуфиналето досега има обезбедено само Астон Вила со победата над ВБА со 2:0, додека Ридинг и Бредфорд на 16.март ќе одиграат повторен натпревар откако вчера одиграа 0:0.