Екипите на Олимпик Лион и на Монако ги оправдаа фаворитските улоги во натпреварите од првото коло во Француското фудбалско првенство.
Лион синоќа на домашен терен ја победи Ница со убедливи 4:0, додека засилениот Монако славеше на гостински терен кај Бордо со 2:0 кршејќи го отпорот на домаќините во последните 10 минути.
На другите пет синоќешни средби постигнати се следниве резултати: Евиан – Сошо 1:1, Лил – Лориен 1:0, Нант – Бастија 2:0, Рен – Ремс 2:1 и Валенсиен – Тулуз 3:0.
Во петокот Монпеље – ПСЖ 1:1.
Денеска првиот круг од Лига 1 ќе го затворат Ајачио – Сент Етиен и Генгамп – Олимпик Марсеј.